Trefnir digwyddiadau SAND gan Athrofa Abertawe
Tachwedd 2003 : Bydd Arweinwyr y Byd Digidol yn creu gwledd o ddanteithion CGI yn SAND

Diolch i bawb a gymerodd ran yn SAND 2003 ac a helpodd i’w wneud yn gymaint o lwyddiant! Rydym wedi casglu ynghyd cyfres o luniau a dynnwyd yn ystod y digwyddiad, felly cliciwch yma i’w gweld.

Os oes gennych unrhyw sylwadau am SAND 2003 yr hoffech eu rhannu gyda ni, byddem yn hoffi clywed oddi wrthych. Cliciwch yma i gyflwyno eich adborth a’ch sylwadau i ni trwy e-bost.
 
Diwrnod Un - cymwysiadau CGI mewn Rhith-realiti, Deallusrwydd Artiffisial a Gwyddoniaeth Feddygol		  
 
Diwrnod Dau - cymwysiadau CGI mewn Gêmau Cyfrifiadurol, Hysbysebion a Chyfryngau Rhyngweithiol		  
 

Diwrnod Tri - Animeiddio Cyfrifiadurol mewn Ffilmiau, Ffilmiau Byr a Fideos Cerddoriaeth		  
 

Diwrnod Pedwar - Dangosiadau CGI - Gwaith animeiddio newydd o bob rhan o'r byd		  

Strafagansa CGI yw SAND 2003 gydag arweinwyr y byd o ran animeiddio 3D, gêmau cyfrifiadurol, VR ac AI yn cyflwyno eu gwaith mwyaf diweddar a thrafod materion cyfoes. Mae SAND 2003 hefyd yn fan cyfarfod i weld gwaith newydd, cyfnewid syniadau a chreu cyfleoedd am brosiectau newydd.
Digwyddiad animeiddio digidol rhyngwladol mawr ei fri yw SAND sy'n sefydlu Cymru fel y prif leoliad ar gyfer arwain y busnes animeiddio. Mae SAND hefyd yn annog cydgyfeirio animeiddio, CGI a thechnolegau digidol eraill i greu cynnwys blaengar y gellir ei ddefnyddio'n fasnachol ar gyfer amrywiaeth o farchnadoedd byd-eang.
SAND 2003 yw'r 4ydd digwyddiad CGI blynyddol i'w drefnu gan Athrofa Abertawe ac unwaith eto fe fydd yn cael ei gynnal yn Theatr Taliesin, Abertawe, De Cymru ar 26 - 29 Tachwedd 2003.
Mae SAND estynedig 2003 yn ganlyniad uniongyrchol o SAND 2002 a ddenodd dros 400 o gwmnïau'r cyfryngau a selogion o bob rhan o'r byd.
Bydd y trefnwyr yn cynnwys mwy yn nigwyddiad eleni, gyda diwrnod ychwanegol o gyflwyniadau a gweithdai ymarferol gan arbenigwyr a dangosiadau o ffilmiau a ffilmiau byr CGI newydd o bob rhan o'r byd, yn seiliedig ar ofynion gan gynrychiolwyr a chyflwynwyr.
Mae'r siaradwyr blaenorol yn cynnwys Aardman Animation, Alias Wavefront, Codemasters, DreamWorks plc, Framestore cfc, Glassworks Cyf, Industrial Light & Magic, Jim Henson's Creature Shop, Cynyrchiadau Siriol, Soho 601 a Sony Computer Entertainment Europe.
Mae SAND 2003 yn bosib o ganlyniad i gefnogaeth Awdurdod Datblygu Cymru, Sgrîn, Dinas a Sir Abertawe, KEF, Skillset, Athrofa Abertawe, DMC Athrofa Abertawe a HEFCW. Diolch hefyd i MASC a Gwesty Morgan's.
SAND 2003 is principally sponsored by
the WDA and the Welsh Assembly Government

 

 

 

 

 

 

Integreiddio Busnes ar gyfer Gemau IBM
Cyflwyniad gan Rob Smith
Final Fantasies - CGI mewn Animeiddio Japaneaidd
Cyflwyniad gan Jonathan Clements
Bydd cyflwyniad gan Rob Smith o IBM yn esbonio sut y bydd gemau ar-lein yn troi'r diwydiant adloniant rhyngweithiol yn amgylchedd e-fusnes sy'n swyddogaethol gyfoethocach, sef llif refeniw y dyfodol. Bydd Rob yn amlinellu datrysiad Integreiddio Busnes ar gyfer Gemau IBM ac yn trafod meysydd ymchwil a datblygiad ei dîm.
.....
.....
Mae Rob Smith yn rheoli tîm o beirianwyr meddalwedd IBM sy'n canolbwyntio ar gyflwyno cyfleoedd busnes newydd i'r diwydiant adloniant rhyngweithiol ar-lein.

Mae Jonathan Clements yn awdurdod rhyngwladol ar fanga ac anime Japaneaidd. Bydd ei ddarlith yn SAND 2003 yn cyflwyno hanes byr o gynnydd CGI mewn animeiddio Japaneaidd, o'i ddiwrnodau cynnar fel gimig, i'w ddefnyddiau y tu ôl a'r tu blaen i'r camera yn y 1990au, hyd at yr anghytundeb presennol rhwng

.....
.....
corfforaethau enfawr a gwneuthurwyr ffilmiau amatur.Jonathan Clements yw cyd-awdur y Gwyddoniadur Anime ac mae wedi cyfieithu dros 70 anime.
Creu Perfformiad Credadwy (Defnyddio Maya)
Gweithdy gyda Will Byles
Cyflwyniad i Primal Pictures
Gweithdy ymarferol a rhyngweithiol dan arweiniad Will Byles, un o brif animeiddwyr y DU. Gan ddefnyddio meddalwedd animeiddio Maya 5, bydd Will Byles yn helpu animeiddwyr i greu perfformiadau credadwy o amrywiaeth o wahanol fodelau yn y gweithdy cynhwysfawr hwn. Gan ganolbwyntio ar gydwefuso, gwaith camera ac arddulliau actio, bydd y gweithdy hwn yn galluogi'r cynrychiolwyr i animeiddio cymeriadau sy'n siarad yn fwy effeithlon ac effeithiol.
Math newydd o gwmni addysg feddygol yw Primal Pictures sy'n uno gwybodaeth o ddau faes sy'n ddatblygedig yn dechnegol: graffeg gyfrifiadurol 3D a thechnolegau delweddu meddygol. Wrth wraidd menter Primal mae cynhyrchu model graffeg gyfrifiadurol 3D cyflawn cyntaf y byd o'r corff dynol. Bydd siaradwr o Primal Pictures, sydd wedi'i leoli yng Nghanol Llundain, yn cyflwyno mwy o wybodaeth am yr hyn y mae'r cwmni yn ei wneud yn SAND 2003.
Actio i Animeiddwyr
Gweithdy gydag Ed Hooks
Cyflwyniad i Glassworks, Llundain
Mae'r dosbarth meistr hwn yn esbonio, yn ymarferol, strwythur dweud storïau'n dda a'r cysylltiad rhwng meddyliau, emosiynau a gweithredoedd."Rydw i wedi bod i lawer o ddarlithiau a gweithdai a gyflwynwyd gan yr animeiddwyr a'r athrawon actio gorau a bob amser yn teimlo nad oeddwn yn cael llawer o fudd ohonynt. Roedd eich cyflwyniad chi yn hollol i'r gwrthwyneb, ac roeddwn yn teimlo fy mod wedi cael gwybodaeth y gallem ei defnyddio o'r diwedd."
Arbenigwyr animeiddio digidol ac effeithiau sydd wedi'u lleoli yn Soho yw Glassworks. Mae'r cwmni hwn yn adnabyddus am lygoden Aero ac ellyll Sprite, ac mae wedi ennill nifer o wobrau'r diwydiant gan gynnwys gwobr yr Animeiddiad Gorau o ran Hysbyseb yng Ngwyl Effeithiau ac Animeiddio Llundain (LEAF) eleni a gwobrau Crefft BTAA am yr Animeiddiad Gorau a'r Animeiddiad Cyfrifiadurol Gorau (am lygoden Aero).

Cipio Symudiadau yn Artem Digital
Cyflwyniad gan Richard Hince
Gorffennol, Presennol a Dyfodol VR Meddygol
gyda'r Athro Nigel John

Bydd Richard Hince, Pennaeth Stiwdio Artem Digital, yn rhoi cyflwyniad yn nigwyddiad SAND 2003 ar waith y stiwdio cipio symudiadau blaengar hwn sydd wedi'i leoli yn Perivale, i'r gorllewin o Lundain. Mae cipio symudiadau wedi esblygu i fod yn offeryn hyblyg a chost effeithiol dros y blynyddoedd diwethaf. Gall defnyddio animeiddwyr MoCap bellach gyflawni animeiddio o ansawdd ac o sylwedd uchel o fewn cyllideb gymharol fach.

Mae gan Artem Digital systemau cipio Optegol a Magnetig ac yn ddiweddar bu yn ymwneud â chynhyrchu gêmau Sony, 'Getaway' a 'This is Football 2003', ynghyd â sawl prosiect cipio symudiadau ar gyfer ffilm a theledu, gan gynnwys cynhyrchiad Eidalaidd o 'Pinocchio' a rhaglen ddogfen ar 'Valley of the Kings' yr Aifft.



Trosolwg o sut y mae graffeg gyfrifiadurol ddatblygedig a rhith-realiti ar fin gwneud gwelliant arwyddocaol i amgylchedd gweithio ymarferydd meddygol. Bydd enghreifftiau ac arddangosiadau'n cael eu defnyddio yn ystod y cyflwyniad.

Pennaeth Canolfan Ddelweddu Manceinion ym Mhrifysgol Manceinion yw Nigel W. John.

Mae hefyd yn rheoli Labordy Delweddu Taflunio Ymdrwythol (Labordy VIP) y Brifysgol - cyfleuster modern iawn ar gyfer VR a delweddu Perfformiad Uchel. Mae'r Athro John yn diwtor anrhydeddus yn yr Adran Gwyddoniaeth Gyfrifiadurol, Prifysgol Manceinion ac yn ddarlithydd anrhydeddus yn yr Adran Gwyddoniaeth Gyfrifiadurol, Prifysgol Cymru Abertawe.



Rhagarweiniad i Jester Interactive
Cyflwyniad gan Clark Evans
Cyflwyniadau gan Shelley Page yn SAND 2003
Mae Jester Interactive yn ddatblygwr adloniant rhyngweithiol blaengar ar gyfer Playstation a Playstation 2. Bydd Clark Evans, Cyfarwyddwr Masnachol Jester Interactive, yn egluro pam bod Jester yn credu ei bod yn werth ailddatblygu yr hen gêmau clasurol ac yn cyflwyno eu meddalwedd cyffrous, Music Creation, sydd yn enwog fel un o deitlau mwyaf blaengar a gwreiddiol Playstation ganddynt. Mae'r cwmni deinamig hwn wedi ennill nifer o wobrau, yn cyflogi dros 30 o bobl ac mae wedi'i leoli yn Ngogledd Cymru.

Super Trucks
MTV Music Generator
Music 3000

Dewis Dreamworks o'r Gwyliau Ewropeaidd

Bydd Shelley Page, Cynrychiolydd Ewropeaidd DreamWorks Feature Animation, yn cyflwyno ei dewis o'r gwaith animeiddio 3D newydd gorau o wyliau Ewrop eleni. Mae hwn yn addo bod yn rholyn sioe cyffrous ac amrywiol.

Anelu at flas y Diwydiant

Bydd Shelley a Bruce Steele, Cyfarwyddwyr Effeithiau Gweledol Glassworks yn trafod yr hyn y mae cwmnïau animeiddio am ei weld gan animeiddwyr ar eu liwt eu hunain a myfyrwyr sydd am ymuno â'r diwydiant.
Cyflwyniad i Macromedia Flash MX gan John Hill, Dylunydd ar ei liwt ei hun
SAND 2003 - GWEITHDAI
'Mae Flash MX ar flaen y gâd gydag animeiddio a chreu gwefannau. Mae ei gymwysiadau a'i ddefnyddioldeb ar gyfer mwy na'r we ac animeiddio'n unig ond ar gyfer fideo, sain, rhyngweithioldeb ac amlgyfrwng ar gyfer fformatiau lluosog hefyd.'
'Nod y gweithdy hwn yw cyflwyno animeiddio mewn amgylchedd sy'n seiliedig ar fector gan ddefnyddio Macromedia Flash MX. Bydd y cynadleddwyr yn gweithio gan ddefnyddio gwahanol ddulliau o animeiddio yn Flash ynghyd ag ennill dealltwriaeth o beth rhaglennu a rhyngweithioldeb sy'n ymwneud â'r meddalwedd'.
'Mae'r gweithdy hwn yn cyflwyno technegau digidol i animeiddwyr traddodiadol mewn modd hawdd delio ag ef a chyffrous'.
 

Pris y gweithdai fydd £47 gan gynnwys TAW.

Anfonwch eich archeb brynu neu siec wedi'i chroesi yn daladwy i SICA Cyf d/o Y Ganolfan Cyfryngau Digidol, Athrofa Abertawe, Heol Townhill, Abertawe SA2 0UT.

Cwblhewch y ffurflen gofrestru nawr i neilltuo eich lle yn SAND 2003 ac i neilltuo lle yn unrhyw un o'r gweithdai arbenigol hyn.

Os ydych chi eisoes wedi cofrestru ar gyfer SAND 2003 ond wedi anghofio prynu tocyn ar gyfer y parti rhwydweithio neu heb neilltuo lle ar gyfer un o'r gweithdai arbenigol, gallwch ddiweddaru eich cofrestriad drwy glicio yma.